अमरावती/प्रतिनिधी – अमरावतीतील रुद्राक्ष बहुउद्देशीय सेवाभावी संस्थेच्या अंतर्गत दहीहंडीचा उत्सव 31 ऑगस्ट 2024 रोजी मोठ्या थाटात साजरा करण्यात आला. गोकुळाष्टमीच्या पार्श्वभूमीवर आयोजित करण्यात आलेल्या या दहीहंडी कार्यक्रमाने शहरात एक विशेषच रंगत आणली.
या कार्यक्रमाला सरस्वती नगर, तिवारी लेआऊट, एन. सी. सी. कॅम्प समोर आयोजित करण्यात आले होते. सायं. 03 वाजल्यापासून रात्री 10 वाजेपर्यंत कार्यक्रम रंगला. या उत्सवात इंस्टाग्राम रिल्स स्टार शशांक उडाखे, किरण शशांक उडाखे, माधुरी उडाखे (विदर्भाची आई), रविकिरण कांडलकर, साक्षी पखान, आश्विन वाकोडे आणि बंजारा डान्स स्टुडिओ यांसारख्या मान्यवरांची उपस्थिती होती.
रुद्राक्ष बहुउद्देशीय सेवाभावी संस्थेचे अध्यक्ष पीयुष गजानन मोरे आणि संस्थेच्या सर्व पदाधिकाऱ्यांनी या कार्यक्रमात सक्रिय सहभाग नोंदवला आणि कार्यक्रमाच्या यशस्वीतेसाठी अमूल्य योगदान दिले. या उत्सवाला अमरावतीच्या जनतेने दिलेला उत्स्फूर्त प्रतिसाद या कार्यक्रमाची विशेषता सिद्ध करतो.
कार्यक्रमाच्या विविध अंगे, सांस्कृतिक प्रदर्शन, नृत्य आणि विविध खेळ यामुळे या उत्सवाला मोठ्या प्रमाणात प्रसिद्धी मिळाली आणि त्याने सर्वांच्या मनावर छाप सोडली.
